Cyfarfod Ynni Cymunedol

Ymunodd Mary Gillie, Sylfaenydd Energy Local CIC, â bwrdd ac aelodau 4 Llan, yn ogystal â thrigolion lleol eraill sydd â diddordeb, ar gyfer cyfarfod ynni cymunedol ar 8 Tachwedd yn Neuadd Caerwedros. Cyflwynodd y model arloesol Energy Local sy'n helpu cymunedau i gael mwy o werth o gynhyrchu adnewyddadwy ar raddfa fach, trwy sefydlu Clybiau Energy Local sy'n defnyddio'r ynni'n lleol.

Cyflwynodd Ysgrifennydd 4 Llan, Gareth Ioan, a'r Hwylusydd, Teresa Walters, rywfaint o gynnydd 4 Llan gyda'n prosiect ynni adnewyddadwy cymunedol ein hunain, a allai gynnwys ynni'r haul a thyrbin bach. Mynegodd bron pob un o'r 31 o bobl a oedd yn bresennol ddiddordeb mewn cynhyrchu ynni cymunedol ar raddfa fach ac mewn ffurfio clwb i ddefnyddio'r ynni hwnnw'n lleol a thorri costau i aelodau lleol.